આજની પરીક્ષામાં 74 વિધાર્થી ગેરહાજર:ધોરણ 12ની ચાલતી પરીક્ષામાં બોટાદ જિલ્લામાં કુલ 3942 વિધાર્થીઓએ પરીક્ષા આપી

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવાઇ રહેલી બોર્ડની જાહેર પરીક્ષાઓના આજે જિલ્લા શિક્ષણાધિકારીની કચેરીનાં પરીક્ષા કંટ્રોલ રૂમ તરફથી પ્રાપ્ત થયેલા અહેવાલ મુજબ આજે તા.18/03/2023ના રોજ સવારે ધોરણ-12 સામાન્ય પ્રવાહમાં ભૂગોળ વિષયની પરીક્ષામાં નોંધાયેલા કુલ-3441 વિદ્યાર્થીઓ પૈકી 3369 વિદ્યાર્થીઓ પરીક્ષામાં હાજર રહ્યાં હતાં. જ્યારે 72 વિદ્યાર્થીઓની તેમાં ગેરહાજરી નોંધાવા પામી હતી.

તેવી જ રીતે આજે બપોરે ધોરણ-12 વિજ્ઞાન પ્રવાહમાં જીવવિજ્ઞાન વિષયની ગુજરાતી-અંગ્રેજી માધ્યમની પરીક્ષામાં નોંધાયેલા કુલ-573 વિદ્યાર્થીઓ પૈકી 571 વિદ્યાર્થીઓ પરીક્ષામાં હાજર રહ્યાં હતાં. જ્યારે 02 વિદ્યાર્થીઓની તેમાં ગેરહાજરી નોંધાવા પામી હતી. તેમજ સામાન્ય પ્રવાહ સેક્રેટીયલ પ્રેક્ટીસ વિષયની ગુજરાતી-અંગ્રેજી માધ્યમની પરીક્ષામાં નોંધાયેલા કુલ 1668 વિદ્યાર્થીઓ પૈકી 1661 વિદ્યાર્થીઓ પરીક્ષામાં હાજર રહ્યાં હતાં. જ્યારે 07 વિદ્યાર્થીઓની તેમાં ગેરહાજરી નોંધાઇ હતી.