ધરપકડ:ભદ્રાવડી ગામથી રૂ.1030ની મત્તા સાથે 5 જુગારી ઝડપાયા

બોટાદ તાલુકાના પાળિયાદ પોલીસે પૂર્વ બાતમીના આધારે ભદ્રાવડી ગામે રેઇડ પાડી જાહેરમાં પૈસાની જુગાર રમતા 5 જુગારીને રૂ. 1030ના મુદ્દામાલ સાથે ઝડપી પાડ્યા છે. પાળિયાદ પોલીસ સ્ટાફના માણસો 4 ફેબ્રુઆરીએ પેટ્રોલિંગમાં હતા તે દરિયાન મળેલી બાતમીના આધારે ભદ્રાવડી ગામે અનુજાતિ વાસમાં રમેશભાઈ નાજાભાઈ મકવાણાના મકાન પાસે રેઇડ પાડતા જાહેરમાં પૈસાની હારજીતનો જુગાર રમતા 5 જુગારીઓને પોલીસે રૂ. 1030ના મુદ્દામાલ સાથે ઝડપી પાડ્યા હતા. જેમાં હેરા જેઠાભાઈ સુમણીયા, પ્રવીણ ભોજાભાઈ મકવાણા, વાલજી બુધાભાઈ મકવાણા, નરેશ ડાયાભાઈ મકવાણા, રણજીત ભાણાભાઈ સુમણીયા તમામ (રહે. ભદ્રાવડી)ને પાળિયાદ પોલીસે ઝડપી પાડી તમામ વિરુદ્ધ જુગાર ધારાનો ગુનો નોધી વધુ તપાસ એ.એસ.આઈ. રસિકભાઈ હાંડા ચલાવી રહ્યા છે.

રાણપુર બસ સ્ટેન્ડ પાસે જુગાર રમાડતો 1 શખ્સ ઝબ્બે
રાણપુર પોલીસ સ્ટાફના 4 ફેબ્રુઆરીએ પેટ્રોલિંગમાં હતા ત્યારે બાતમીના આધારે રાણપુર બસ સ્ટેન્ડ પાસે રેઇડ પાડી જાહેરમાં વરલી મટકાના આકડા લખી જુગાર રમી રમાડતો રસુલ કરીમભાઈ દસાઈ વોરાને રૂ. 1100નાં મુદ્દામાલ સાથે ઝડપી રાણપુર પોલીસ સ્ટેશનમાં આરોપી સામે ગુનો નોંધી કાર્યવાહી હાથ ધરી છે.

​​​​​​​​​​​​​​