સુશિક્ષિત બેટી અને દિકરીઓની તંદુરસ્તી માટે ઝુંબેશ:ગઢડામાં રવિવારે આંતર રાષ્ટ્રીય મહિલા અધિવેશનનું આયોજન

આચાર્ય મહારાજ અજેન્દ્રપ્રસાદજી તથા સર્વે સ્ત્રીભક્તોના ગુરુપદને શોભાવતા ગાદીવાળા માતૃશ્રીના આશીર્વાદ-આજ્ઞાથી તથા ડૉ.ઉર્વશીકુંવરબા ( બાબારાજા)ના માર્ગદર્શનથી લક્ષ્મીનારાયણદેવ મહિલા મંડળ દ્વારા તા.5-3-23, રવિવારે સવારે 9 વાગ્યે ગઢડા ખાતે બોટાદ રોડ, રિલાયન્સ પેટ્રોલપંપ સામે આંતર રાષ્ટ્રીય મહિલા અધિવેશનનું આયોજન કરવામાં આવ્યું છે. આ અધિવેશનમાં સમગ્ર દેશમાંથી બહોળી સંખ્યામાં મહિલાઓ હાજર રહેશે.

આ અધિવેશનમાં લક્ષ્મીનારાયણ દેવ મહિલા મંડળ દ્વારા ગત વર્ષે સુરતના આંગણે આયોજીત આંતર રાષ્ટ્રીય મહિલા અધિવેશનના પોષણ પ્રસાદ સુપોષિત ગુજરાત અભિયાનનો અહેવાલ રજૂ કરવામાં આવશે. આ કાર્યક્રમમાં રાષ્ટ્રીય સેવિકા સમિતિના બૌધિક પ્રમુખ શરદ રેણુજી , સાંસદ ભારતીબેન શિયાળ તેમજ વિહિપ દુર્ગાવાહિની ક્ષેત્રીય સંયોજીકા યજ્ઞાબેન જોષી ઉપસ્થિત રહી ઉદબોધન કરશે. સંમેલનમાં લક્ષ્મીનારાયણ દેવ મહિલા મંડળ તેમજ અપરાજિતા ગ્રુપની બહેનો દ્વારા સાંસ્કૃતિક કાર્યક્રમ પણ રજૂ કરવામાં આવશે.