વેક્સિનના બીજા તબક્કાનો પ્રારંભ:ગઢડાના પ્રાથમિક શિક્ષકોને કોરોના વેક્સિન અપાઈ

કોરોના મહામારીના સમયમા સરકારનો આરોગ્ય વિભાગ ખડે પગે ઉભો રહ્યો છે. ત્યારે ગત તા.8 ફેબ્રુઆરીને સોમવારે ગઢડા રેફરલ હોસ્પિટલ ખાતે કોરોના વેક્સિનના બીજા તબક્કાનો આરંભ કરાયો હતો. જેમા ફ્રન્ટલાઈન વર્કર તથા પ્રાથમિક શાળાના શિક્ષકોને કોરોના વેક્સિન આપવાનું આયોજન હાથ ધરવામાં આવ્યુ હતું.

જેના ભાગરૂપે ગઢડા પ્રાથમિક શાળાના શિક્ષકોએ કોરોના વેક્સિન લઈ સમાજને એક ઉમદા ઉદાહરણ પુરૂ પાડેલ અને સંદેશો આપેલ છે કે કોરોના વેક્શીન લેવી જ જોઈએ જેથી આ મહામારી સામે આપણે સૌ રક્ષણ મેળવી શકીએ. શિક્ષકોએ રસી લેવાની અપીલ કરાઇ હતી.