નવજીવન:રાપર તાલુકાના આણંદપરની પ્રસૂતાની 108 ઇમરજન્સી સેવાએ સફળ ડિલિવરી કરાવી

રાપર તાલુકાના આણંદપરની પ્રસૂતા દયાબેન વશરામભાઈ કોલીને પીડા થતા બાલાસરની 108 એમ્બ્યુલન્સનો સંપર્ક કર્યો હતો. જેથી પાઇલોટ પિયુષ ત્રિવેદી અને ઇએમટી સિદ્ધાર્થભાઈ બારોટ પ્રસૂતાને રાપર સરકારી હોસ્પિટલ ખાતે લઈ આવતા હતા ત્યારે મોટી રવ અને નંદાસર વચ્ચે પ્રસૂતાને અસહ્ય પીડા ઉપડતાં 108ના કર્મચારીઓએ અમદાવાદ ખાતે ઇઆરપીસીનો સંપર્ક કરી પ્રસૂતાની નાજુક સ્થિતિ અંગે જણાવ્યું હતું. રાપર સરકારી હોસ્પિટલ ખાતે પહોંચી ન શકે તેમ ન હોવાથી તેમના માર્ગદર્શન હેઠળ પાયલોટ અને ઇએમટી દ્વારા સફળ ડીલીવરી કરાવી પ્રસૂતા અને બે બાળકીઓને નવજીવન બક્ષ્યું હતું. સ્વસ્થ બાળકોના જન્મ બદલ પ્રસૂતાએ તેમનો આભાર માન્યો હતો.