લ્યુકીસ્ટીક કોમન કુટ:કચ્છમાં સફેદ કુંજ, કાજિયા બાદ હવે રવેચીમાં પહેલીવાર સફેદ ભગતડું દેખાયું !

કચ્છમાં આ અગાઉ સફેદકુંજ અને સફેદ વચેટ કાજિયો નોંધાઈ ચૂક્યા છે.જો કે બે દિવસ પહેલા રવેચીની મુલાકાત વખતે તળાવમાં એક અલગ પ્રકારનુ સફેદ પક્ષી પક્ષીનીરીક્ષકોને જોવા મળ્યુ હતું.વધુ તપાસ કરતાં આ પક્ષી લ્યુકીસ્ટીક કોમન કુટ (ભગતડું) તરીકે ઓળખાયું હતું.સામાન્ય રીતે આ કોમન કુટ કાળા કલરમાં જોવા મળે છે.

પરંતુ પિગમેન્ટ્સની ઉણપને કારણે હજારોમાં એકાદ પક્ષીનો કલર આ રીતે સફેદ જોવા મળતો હોય છે.આ મુદ્દે પક્ષી જોનારાઓએ વરિષ્ઠ પક્ષીનીરીક્ષક શાંતિલાલભાઇ વરુ સાથે ચર્ચા કરતાં આ અગાઉ કચ્છમાં આ પક્ષીની નોંધ જોવા મળતી નથી એમ જણાવેલ હતું.આ પક્ષી નિરીક્ષણમાં જયસિંહ પરમાર,મહેશ પરમાર,ગની ખત્રી તેમજ રાજેશ ઠક્કર સાક્ષી બન્યા હતા.આ પક્ષીની તસવીર મહેશ પરમારે ઝઽપી હતી