મુલાકાત:જાણીતા ક્રિકેટર યુસુફ પઠાણ સહ પરિવાર કચ્છના મહેમાન બન્યા

ચાલુ વર્ષે કોવીડ-19ના કારણે રણોત્સવનું અાયોજન કરાયું નથી. જોકે પર્યટકોનો પ્રવાહ ધીમેધીમે વધી રહ્યો છે. તાજેતરમાં હરિયાણાના નાયબ મુખ્યમંત્રી કચ્છની મુલાકાતે અાવ્યા હતા. તેવામાં હવે ક્રિકેટર યુફુસ પઠાણે પણ સહ પરિવાર કચ્છની મુલાકાત લીધી છે. તેઅોઅે સોમવારે હાજીપીર ખાતે દરગાહ પર ચાદર ચડાવી હતી.

અા અંગે મળતી વિગતો મુજબ વિસ્ફોટક બેટ્સમેન અેવા યુસુફ પઠાણ સોમવારે અચાનક કચ્છના પ્રસિદ્ધ યાત્રાધામ અેવા હાજીપીર પહોંચતા તેમના પ્રશંસકોઅે સેલ્ફી માટે પડાપડી કરી હતી. તેઅોઅે સોદ્રાણાના શહેનશાહ હાજીપીરની દરગાહ પર ચાદર ચડાવી દુવા કરી હતી. તેમની સાથે તેમના બે બાળકો અને પત્ની હતા. તેઅો મંગળવારે કાળો ડુંગર તથા કાઢવાંઢ જાય તેવી શક્યતા છે. તો બીજીબાજુ હાલ કચ્છમાં અાવેલા ગુજરાત હાઇકોર્ટના ચીફ જસ્ટીસ વિક્રમનાથે પણ હાજીપીરની મુલાકાત લીધી હતી. તેઅોઅે પણ દરગાહ પર ચાદર ચડાવી હતી.