ધરપકડ:લેવા પટેલ હોસ્પિટલની બહાર પાર્કિંગમાં જુગાર રમતા ત્રણ પકડાયા

લેવા પટેલ હોસ્પિટલની બહાર પાર્કિંગમાં ધાણી પાસાનો જુગાર રમતા ત્રણ શખ્સને પોલીસે 2,720ની રોકડ તથા 3,500ની કિંમતના બે મોબાઇલ સાથે ઝડપી પાડ્યા છે.એ ડિવિઝન પોલીસે બાતમીના આધારે લેવા પટેલ હોસ્પિટલની બહાર પાર્કિંગમાં દરોડો પાડ્યો હતો.

દરોડા દરમિયાન ધાણી પાસાનો જુગાર રમતા દિલીપ બચુભાઇ ઠકકર, હુશેન અલી હાલે પોત્રા અને લીયાકત અનવર મલેક નામના ત્રણ જુગારીઓને ઝડપી પાડ્યા હતા. તેમની પાસેથી રોકડ રૂપિયા અને મોબાઇલ કબજે કરીને ત્રણે વિરૂધ જુગારધારાની કલમ તળે ગુનો નોંધીને આગળની કાર્યવાહી હાથ ધરી છે.