વિવાદ:ભુજમાં છૂટાછેડા થઇ ગયા છતાં શંકા કરી પૂર્વે પતિએ માર માર્યો

ભુજના પ્રમુખસ્વામી નગર ખાતે રહેતી પરિણિતાના એક વર્ષ અગાઉ છુટા છેડા થઇ ગયા હોવા છતાંય પૂર્વ પતિએ શંકા રાખીને માર મારતા બી ડિવિઝન પોલીસ મથકે ફોજદારી નોંધાવાઇ હતી. સુત્રોમાંથી પ્રાપ્ત થતી વિગતો મુજબ, દિનાબેન ખીમજીભાઇ લુહાર મુળ સુખપરના રહેવાસી છે તેમના લગ્ન અગાઉ અશોક બાબુલાલ દરજી સાથે થયા હતા. એક વર્ષ અગાઉ તેની સાથે છુટાછેડા થઇ ગયા હોવા છતાંય પુર્વ પતિએ તેને કહ્યું કે, આ સારા કપડા કયાંથી આવે છે તારી પાસે, તેમ કહી શંકા કરી માર માર્યો હતો. પુર્વ પતિએ માર મારતા બી ડિવિઝન પોલીસ મથકે ફોજદારી નોંધાવી હતી.