કોરોના અપડેટ:ભુજમાં કોરોનાના 18 કેસ, ભુજમાં 3 સાથે પોઝિટિવ ગ્રાફ નીચે અાવ્યો

કચ્છમાં કોરોનાના વધુ 18 પોઝિટિવ કેસનો ઉમેરો થયો છે, જેમાં શહેરો અને ગામડાઅોમાં 9-9 કેસ છે. શહેરોના 9માંથી ભુજમાં 3, ગાંધીધામમાં 4, માંડવીમાં 2 દર્દી છે. ગામડાઅોમાં 9માંથી અબડાસા, અંજાર, ભુજ, લખપત, માંડવી, નખત્રાણામાં 1-1, મુન્દ્રામાં 3 કેસ છે. જોકે, ભુજ શહેરમાં 3 કેસ સાથે ગ્રાફ થોડો નીચે અાવતા હાશકારો અનુભવાયો છે. કચ્છમાં અત્યાર સુધી કુલ 3360 પોઝિટિવ કેસ નોંધાયા છે, જેમાંથી હજુ સુધી કુલ 3001 દર્દી સાજા થઈ ગયા છે. હજુ 243 દર્દી સારવાર હેઠળ છે અને 73 દર્દીના સારવાર હેઠળ મોત બતાવાયા છે.