જાણકારી:પાકિસ્તાન નેવીને ચીન તરફથી ચાર યુદ્ધ જહાજો મળશે

કચ્છ સરહદની સામેપાર પાકિસ્તાન પોતાની તમામ સુરક્ષા એજન્સીઓને મજબુત કરવામાં લાગી ગયો છે, ત્યારે પાકિસ્તાન નેવીને ચીન તરફથી 4 ફાઇટર શીપ મળશે તેવો કરાર થયો હોવાનું જાણવા મળ્યું છે. રાત્રિના સમયે ભારતીય સેનાએ બ્લેક ટોપની સામેના 3 શિખર પર કબજો કરતા ચિન ચોંકી ઉઠયો હતો, તો પાકિસ્તાન પણ ફફડી ગયો છે. લદાખ સરહદે ભારતીય સેનાનો હાથ ઉપર છે. જો કે, દગાબાજ ચીન પાકિસ્તાનને મોહરો બનાવીને કચ્છ સરહદે ભારત પર દબાણ બનાવવા પ્રયત્ન કરી રહ્યો છે.

કચ્છ સરહદ સામે જ પાકિસ્તાને જમીનો આપી છે. મહત્વનો ગ્વાહદર બંદર પણ ચિનનો જ છે. પાકિસ્તાન સેનાને હથીયાર અને સરસાધન આપે છે અને આ સાબિતી છે કે, રણનિતી મુજબ કચ્છ સરહદેથી ભારત પર દબાણ બનાવવાનો છે. પાકિસ્તાનનો સંરક્ષણ મોટાભાગે ચિન પર જ નિર્ભય છે. હામાં જ પાકિસ્તાન નેવીને ચીનએ ટાઇપર 054 કલાસ ફીગેટ શીપ આપી છે જે અરબસાગરમાં પેટ્રોલિંગ કરશે. સુત્રોના જણાવ્યા મુજબ, ટાઇપ 054 ક્લાસ ફાઇટર શીપ પાકિસ્તાન નેવીને 5 મળશે. હાલ અાવેલો પ્રથમ છે.

ચિન સાથે 5 શીપનો કરાર થયેલ છે. પાકિસ્તાન સંરક્ષણ મંત્રાલય કચ્છ સરહદ સામેપાર પોતાની તમામ સુરક્ષા એજન્સીઓને મજબુત કરવામાં લાગલો છે. પાકિસ્તાનની આવામને ડુંગરી ભલે 150 રૂપીયામાં મળે પણ પાક સેનાની સુવિધાઓમાં કમી ન આવવી જોઇએ. પાક સાથે વિશ્વ પણ જાણે છે કે ભારત પ્રથમ હુમલો કરતો નથી છતાંય ભારતની દેખાદેખીમા સંરક્ષણ ક્ષેત્રે પાણીની જેમ પૈસા નાખી રહ્યો છે. અરબસાગરમાં પાક મરીન સિક્યુરીટીનો ત્રાસ અને હવે પાકિસ્તાન નેવીને આધુનીક શીપ મળવાનો શરૂ થતા અરબસાગરમાં તેની પેટ્રોલિંગ પણ વધી જશે.

કચ્છ સામેપાર પાક સુરક્ષા એજન્સીઓની નજર હમેશા સીરક્રિક પર જ રહે છે. સીરક્રિક આજુબાજુ આટા મારીને પોતાની હાજરી નોંધાવતો રહ્યો છે. અરબસાગરમાં કાર્યરત પોતાની એજન્સીઓ એકટીવ થવી એ સંયોગ નહીં પણ પાકિસ્તાનની મેલી મુરાદ તરફ ઇશારો કરે છે.