કોરોના અપડેટ:ભુજમાં કોરોનાનો કહેર યથાવત, આજે નવા 26 કોરોના પોઝિટિવ કેસ નોંધાયા સાથે એક્ટિવ કેસની સંખ્યા વધીને 210 થઈ

ભુજ જિલ્લામાં કોરોનાનો કહેર યથાવત છે. જિલ્લામાં આજે નવા 26 કોરોના પોઝિટિવ કેસ નોંધાતા કુલ કોરોના પોઝિટિવ કેસનો આંક 5094 પહોંચી ચૂક્યો છે. આજે જે નવા કેસ નોંધાયા છે તેમાં ભુજ શહેરમાં 6, ગાંધીધામ 6, અંજાર 5, મુન્દ્રા ગ્રામ્ય 3, રાપર, ભચાઉ, ગાંધીધામ, અબડાસા અને અંજાર ગ્રામ્યમાં 1-1 કેસ નોંધાયા છે.

જિલ્લામાં અત્યાર સુધીમાં થયેલા કુલ મૃત્યુનો આંક 81 છે

કોરોનાના કહેર વચ્ચે રાહતની વાત એ કે, આજે જિલ્લામાં 16 લોકો કોરોનાને માત આપવામાં સફળ રહ્યાં છે. ભુજ જિલ્લામાં હવે કુલ ડિસ્ચાર્જ થયેલા દર્દીઓની સંખ્યા 4772 થઈ છે. જિલ્લામાં એક તરફ કોરોનાનું સંક્રમણ વધી રહ્યું છે. તો બીજી તરફ રસીકરણની કામગીરી પણ પુરજોશમાં ચાલી રહી છે. જિલ્લામાં આજ દિન સુધીમાં 148517લોકોનું રસીકરણ પૂર્ણ થઈ ચૂક્યું છે.