ક્રાઇમ:છુટાછેડા લીધેલી યુવતી સાથે શખ્સે વારંવાર આચર્યું દુષ્કર્મ

ભુજના આશાપુરા નગરમાં રહેતા શખ્સે છુટાછેડા લીધેલી યુવતીને લગ્ન કરવાની લાલચ આપી તેમજ પતિને ફોટા બતાવી દેવાની ધમકી આપી છેલ્લા ત્રણ વર્ષથી ગત 2019 દરમિયાન વારંવાર બળજબરી પૂર્વક દુષ્કર્મ આચરી જાનથી મારી નાખવાની ધમકી આપતાં આરોપી સામે પોલીસ મથકે ગુનો નોંધાવ્યો છે.

25 વર્ષીય ભોગ બનનાર યુવતીએ ફરિયાદમાં જણાવ્યું હતું કે, ભુજના આશાપુરા નગરમાં રહેતા સુલતાન નૂરમામદ સીદી નામના શખ્સે લગ્નની લાલચ આપીને આશાપુરાનગરમાં આરોપીના ઘરમાં તેમજ કોડકી રોડ પર આવેલા એક મકાનમાં વારંવાર તેણીની મરજી વિરૂધ્ધ બળજબરીપૂર્વક દુષ્કર્મ આચર્યું હતું. અને જો આ બાતે કોઇ ઇન્કાર કરીશ તો, ફરિયાદીના આરોપી પાસે રહેલા ફોટા પતિને બતાવી દેવાની અને જાનથી મારી નાખવાની ધમકી આપી હતી. ભોગબનનાર યુવતીએ આરોપી વિરૂધ એ ડિવિઝન પોલીસ મથકમાં ફરિયાદ નોંધાવી હતી. પોલીસે આરોપી સામે આઇપીસી કલમ 376(બીએન), 506,506-2 મુજબ ગુનો નોંધીને આરોપીને ઝડપી લેવા તપાસના ચક્રોગતિમાન કર્યા છે.