ચોપડાનું પૂજન:દિવાળીના વેપારીઓ દ્વારા વાર્ષિક હિસાબના ચોપડાનું પૂજન કરાયું, ધાર્મિક સ્થળોએ સત્સંગીઓની હાજરીમાં વેપારીઓએ પરંપરાગત વિધિ સંપન્ન કરી

વ્યાપારીઓ માટે સૌથી મહત્વનું છે વેપારનો હિસાબ. આવક જાવક અને વેંચાણ ખરીદીનો હિસાબ માટેના ચોપડાનું દિવાળીના દિવસે શુભ મુહૂર્તમાં બ્રાહ્મણની વિધિ સાથે પૂજન કરે છે. જથ્થાબંધ માર્કેટ હોય કે સામાન્ય નાનો વેપારી, તેમના રોજમેળ, વાર્ષિક નોંધ વગેરે બુકનું પૂજા કરે છે. ભુજ સ્વામિનારાયણ મંદિરે દર વર્ષની જેમ સંસ્થાના અને સત્સંગીઓને ચોપડાનું સમૂહ પૂજન યોજાય છે.

મહંત પુરાણી ધર્મનંદનદાસજી તથા જાદવા ભગતની અધ્યક્ષતામાં આ વિધિ મંદિરના સભાગૃહમાં સંપન્ન થઈ હતી. શહેરના વિવિધ વિસ્તારોમાં પણ વેપારીઓએ દિપાવલી નિમિત્તે આ વિધિ કરી આવતું વર્ષ વેપારમાં ઉન્નતિ થાય તેવી ભાવના રાખી હતી. ચાલુ વર્ષે કોરોના અને આર્થિક મંદિના કારણે વેપારીઓને ફટકો પડ્યો છે. ત્યારે આવનારુ નવુ વર્ષ સારુ રહે તે માટે પ્રાર્થના કરવામાં આવી હતી.