અલ્ટિમેટમ:સામખિયાળીના વેપારી પર હુમલાે કરનારને પકડવા સમાજનું અલ્ટિમેટમ

સામખીયાળી લોહાણા મહાજન દ્વારા પોલીસને આવેદન પત્ર આપી સામખીયારીના વેપારી ઉપર હુમલો કરનાર આરોપીઓને પકડવા પોલીસને 76 કલાકનું અલ્ટીમેટમ આપવામાં આવ્યું હતું.સામખીયાળી ખાતે ધોળા દિવસે લોહાણા સમાજના વેપારીના પરિવાર ઉપર કરવામાં આવેલા હિચકારા હુમલાને વખોડી લોહાણા મહાજન દ્વારા સરાજાહેર થયેલા હુમલા બાબતે આવેદનપત્ર પીએસઆઇ વી.જી.લાંબરીયાને આપી 76 કલાકમાં આરોપીઓને પકડવા અલ્ટિમેટમ અપાયું હતું.

જેમાં સામખીયારી લોહાણા મહાજનના પ્રમુખ રમેશભાઈ ગંધા, ઉપપ્રમુખો દિનેશભાઈ રૈયા, જયેન્દ્રભાઇ ચન્નારાણા, મંત્રી ભાવેશભાઇ રાજદે, ભચાઉ તાલુકા રઘુવંશી સોશિયલ ગ્રુપનાં પ્રમુખ ધીરજલાલ કારીઆ, મહામંત્રી દિનેશભાઈ ગંધા વિગેરે અગ્રણીઓએ સામખીયારી પોલીસ સ્ટેશન ના પીએસઆઈ ને આવેદનપત્ર પાઠવ્યું હતું અને જો 76 કલાક માં હુમલાખોરો ની ધરપકડ કરવામાં નહીં આવે તો સમાજ પોતાના ધંધા રોજગાર બંધ રાખી વિરોધ પ્રદર્શન કરશે તેવી ચીમકી પણ ઉચ્ચારી હતી.