અમલીકરણ:સામાખીયાળી અને સુરજબારી ટોલ ગેટ પર ફાસ્ટટેગ વિનાના વાહનોની લાગી કતારો

કચ્છને ગુજરાતના અન્ય જિલ્લા સાથે જોડતા રાષ્ટ્રીય ધોરીમાર્ગ પરના સામખીયાળી અને સુરજબારી ટોલગેટ પર આજે સવારથી વાહનોની લાંબી કતારો જોવા મળી છે. ટોલતંત્ર દ્વારા ફાસ્ટટેગ અમલીકરણના નિયમનું પાલન કરાવવામાં આવી રહ્યું છે અને જે વાહનોમાં ફાસ્ટટેગ ન હોય તેમની પાસે બમણો ટોલ વસૂલવામાં આવી રહ્યો છે, જેને લઇને કેટલાક વાહનો દ્વારા વિરોધ પણ પ્રદર્શિત કરવામાં આવ્યો છે.

બમણો ટોલ વસૂલાતા વાહન ચાલકોએ બબાલ કરી હતી. જેના કારણે ટોલ બૂથ પર રોકાયેલા વાહનોતી ટ્રાફિક જામના દૃશ્યો સર્જાયા છે. જ્યારે ટોલ ગેટની બન્ને તરફ જે વાહનો ફાસ્ટેગ વિનાના છે. ઇચ્છૂક વાહનોમાં નવા ફાસ્ટેગના સ્ટીકર લગાવાઈ રહ્યાં છે. કચ્છ સૌરાષ્ટ્રને જોડતા સુરજબારી ટોલ નાકા પર આજથી ફરજિયાત થયેલા ફાસ્ટટેગ નિયમથી ટ્રાફિક સમસ્યા ઉદભવી છે અને વાહનોની લાંબી કતારો થવા લાગી છે.