ધરપકડ:પોલીસે બાતમી આધારે શખ્સને ઉઠાવ્યો ને માધાપરના કોમ્પલેક્સમાંથી દારૂ મળ્યો

ભુજ બી ડિવિઝન પોલીસની ટુકડીએ બાતમી આધારે ભુજના એક શખ્સને ઉઠાવી પોલીસ સ્ટેશને લાવીને પુછપરછ હાથ ધરતા તેણે માધાપરની દ્રષ્ટિ કોમ્પલેક્સની ઓફીસમાં જથ્થો રાખ્યો હોવાની કેફીયત આપી હતી. પોલીસે પોણા લાખનો દારૂનો જથ્થો સહિત 1,38,600નો મુદ્દામાલ જપ્ત કરી જથ્થો આપનાર સામે પણ ગુનો દાખલ કર્યો હતો.

સુત્રોમાંથી મળતી વિગતો મુજબ, બી ડિવિઝન પોલીસના પંકજકુમારને બાતમી મળતા ભુજના છછ ફળીયામાં રહેતો સચીય ઉર્ફે બલો પ્રભુભાઇ જોબનપુત્રાને ઉઠાવી પોલીસ સ્ટેશને લવાયો હતો. પોલીસે પુછપરછ હાથ ધરતા તેણે માધાપર હાઇવે પર આવેલી દ્રષ્ટી કોમ્પલેક્સની 4 નંબરની ઓફીસમાં જથ્થો છુપાવ્યો હોવાની કેફીયત આપી હતી. પોલીસે 190 બોટલ શરાબ, બીયર ટીન 153 (કિંમત 83,600), બાઇક જીજે 12 ડીએન 1791 (કિંમત 50 હજાર) અને એક મોબાઇલ કિંમત 5 હજાર મળી 1,38,600નો મુદ્દામાલ કબજે કર્યો હતો. જથ્થો આપનાર આમદ ભટ્ટીનો નામ ખુલતા તેની સામે ગુનો નોંધી પકડી પાડવા ચક્રો ગતીમાન કરાયા હતા.