ધરપકડ:પોલીસ પહેરો હોય છે ત્યાં દારૂ પીને જુગાર રમતા 3 પકડાયા

ભુજના ટ્રાફિકથી ધમધમતા અને જ્યાં પોલીસનો પહેરો રહે છે તેવા જયુબિલી સર્કલ પાસે માંડવી જવાના બસ સ્ટોપ પાસે દારૂના નશામાં જુગાર રમતા ત્રણ શખ્સોને પોલીસે દબોચી 1,860ની રોકડ કબજે લઇ કાર્યવાહી કરી હતી.પ્રાપ્ત વિગતો મુજબ રાત્રીના સવા અગ્યાર વાગ્યે એ ડિવિઝન પોલીસે દરોડો પાડીને જયંતી જેસંગભાઇ પટણી (ઉ.વ.40) રહે સુખપર, કપીલ કલ્યાણભાઇ ચૌહાણ (ઉ.વ.27) રહે મિરજાપર તેમજ રમજાન અલી શેરમામદ જુણેજા સહિત ત્રણ શખ્સોને ઝડપી લીધા હતા જ્યારે બે વિરૂધજુગાર ઉપરાંત પ્રોહિબીશનનો ગુનો નોંધીને તપાસ હાથ ધરી છે.