ચૂંટણી બહિષ્કારની ચીમકી:ભુજના વોર્ડ નંબર 1માં બે વિસ્તારના લોકોએ પ્રાથમિક સુવિધાના અભાવને લઈ ચૂંટણી બહિષ્કારની ચીમકી આપી

ભુજ નગરપાલિકાના વોર્ડ નંબર 1ના આશાપુરા નગર અને ગીતા કોટેજીસ વિસ્તારમાં રસ્તા અને ડ્રેનેજ જેવી પ્રાથમિક સુવિધા ના મળતા સ્થાનિક લોકોએ આગામી ચૂંટણીનો બહિષ્કાર કરવાની ચીમકી આપી છે.આજે આશાપુરા માતાજીના મંદિર પાસે એકઠા થયેલા લોકોએ ચૂંટણી બહિષ્કારનું એલાન કર્યું હતું.

સ્થાનિક રહેવાસીઓએ ઠેરઠેર બેનર લગાવી ,સુત્રોચાર કરીને ચૂંટણી બહિષ્કાર કરવાનું એલાન કર્યું હતું. ઘણા સમયથી આ વિસ્તારના રસ્તા, પાણી, ગટર અને સ્ટ્રીટ લાઈટના પ્રશ્નોથી પરેશાન છે. ત્રીસ ત્રીસ વર્ષથી આપવામા આવતા સરકારી વાયદાથી કંટાળી સ્થાનિક લોકોએ આગામી ચૂંટણીનો બહિષ્કાર કરવાની ચીમકી આપી છે.