આપઘાત:કોટડા (રો)માં પરિણીતાનો એસીડ પી આપઘાત

નખત્રાણાના કોટડા રોહા ગામે માનસિક બીમાર પરિણીત મહિલાએ એસીડ પી આપઘાત કરી લેતાં પરિવારજનોમાં શોક ફેલાઇ ગયો છે. પ્રાપ્ત વિગતો મુજબ નખત્રાણા તાલુકાના કોટડા રોહા ગામે રહેતી 30 વર્ષીય હસીનાબેન મજીદભાઇ હિંગોરજા નામની પરિણીત મહિલાએ મંગળવારે બપોરે બે વાગ્યાના અરસામાં પોતાના ઘરે એસીડ પી લેતાં તેમને તાત્કાલિક ભુજ જી.કે.જનરલ હોસ્પિટલમાં ખસેડાયા હતા જ્યાં સારવાર દરમિયાન તબીબે મૃત જાહેર કરતાં નખત્રાણા પોલીસે બનાવની નોંધ લઇ આગળની તપાસ મુકેશભાઇ સાધુએ હાથ ધરી છે. પ્રાથમિક તપાસમાં મહિલા માનસિક બીમાર હોવાથી પગલું ભર્યું હોવાનું સામે આવ્યું છે.