હાલાકી:જયુબિલી સર્કલ પર ‘નો પાર્કિંગ’ની અમલવારી જ નહીં!

ભુજના સૌથી વધુ વાહનો પસાર થાય છે તે જગ્યા જયુબિલી સર્કલ પાસે બધા જ રસ્તાની બંને સાઈડ પાર્કિંગ કરવા પર પ્રતિબંધ છે. ટ્રાફિક પોલીસ સ્ટાફ સતત આ સર્કલ પર પૂરતા પ્રમાણમાં ફરજ પર પણ હોય છે. પરંતુ કોઈક કારણસર છકડા રીક્ષા કે જેઓ માધાપર, કુકમા સુધી પેસેન્જર ભરી જતાં હોય છે, તેઓ બિંદાસ્ત પાર્ક કરે છે.

જયુબિલી ગ્રાઉન્ડની દીવાલ પાસે તો પાર્કિંગ વ્યવસ્થા છે, જ પરંતુ સામે બાજુ મનાઈ છે. સવારથી સાંજ સુધી તસવીર માં દેખાય છે તેમ છકડાચાલક અહીં પાર્ક કરે છે. શા માટે ટ્રાફિક પોલીસ સ્ટાફ તેમને નથી ખસેડતા તે પ્રશ્ન છે.