રાજીનામું:નખત્રાણા તાલુકા કોંગ્રેસના ઉપપ્રમુખનું રાજીનામું

અબડાસા વિધાનસભાની પેટા ચૂંટણીમાં કારમા પરાજય બાદ નખત્રાણા તાલુકા કોંગ્રેસના ઉપપ્રમુખે રાજીનામું ધરી દીધું છે. એકલહાથે અમલીકરણ અને સંગઠન ભાવનાના અભાવે જ પેટા ચૂંટણીમાં હાર થઇ છે. કાર્યકરોની અવડચંડાઇ અને જ્ઞાતિ સમીકરણોએ કાર્યક્ષમતાની કરોડરજ્જુ તોડી નાખી છે, જેથી પક્ષને વધુ નુકસાન થાય તે પહેલા કોટડા જડોદરના વતની અને નખત્રાણા તાલુકા કોંગ્રેસના ઉપપ્રમુખ ગાભુભા પ્રાગજી જાડેજાએ રાજીનામું ધરી દીધું હોવાનું જણાવ્યું હતું.