અકસ્માત:વેકરીયાના રણ નજીક ટ્રકે મારી પલ્ટી, ચાલક ઘાયલ થયો

ભુજ તાલુકાના બન્ની વિસ્તારમાં વેકરીયાના રણ પાસે મંગળવારે વહેલી સવારે ટ્રક રોડ પર પલ્ટી મારી જતાં ચાલકને ઇજા પહોંચી હતી. આ માર્ગ પર બનાવેલા આડેધડ ડાયવર્સઝનને કારણે અહીં સતત અકસ્માતના બનાવો બની રહયા છે.

સુત્રોના જણાવ્યા મુજબ પરોઢે 5 વાગે ખાનગી કંપનીનું કોલસા ભરીને જતી ટ્રક ઉથલી ગઇ હતી. ઘવાયેલા વાહન ચાલકને બે કલાક પછી હોસ્પિટલમાં લઇ જવાયો હતો. જો કે, ખાવડા પોલીસમાં કોઇ જ નોંધ ન હોવાનું સામે આવ્યું હતું.