ભાસ્કર વિશેષ:બુધગ્રહનું રાશિ પરિવર્તન, લેવડ દેવડમાં ફાયદાનો યોગ

ભુજ5 મહિનો પહેલા
  • કૉપી લિંક
  • બુધ ગ્રહ મિથુન, કન્યા રાશિનો સ્વામી હોવાથી દર 18મા દિવસે રાશિ બદલે છે

રવિવારે બુધ ગ્રહે મકરમાંથી કુંભ રાશિમાં પ્રવેશ કર્યો છે અને 23 માર્ચ સુધી રાશિમાં રહેશે. મકર જેમ કુંભ પણ શનિની જ રાશિ હોય છે, આ રાશિમાં બુધ હોવાથી અનેક લોકોની આર્થિક સ્થિતિમાં ફેરફારના યોગ બનશે. કુંભ રાશિમાં સૂર્ય-ગુરુ પણ રહેશે, જેથી થોડા લોકોને લેવડ-દેવડ અને રોકાણમાં અચાનક ફાયદો થવાના યોગ બનશે, તો થોડી રાશિઓના જાતકોને આર્થિક મામલે વિઘ્નનો સામનો કરવો પડી શકે છે.

જ્યોતિષાચાર્યના જણાવ્યા પ્રમાણે,ખરીદ-વેચાણ, લેવડ-દેવડ, રોકાણ, વાણી, અભિવ્યક્તિ, કેલ્ક્યુલેશન અને બુદ્ધિ પર આ ગ્રહની અસર પડે છે. બુધના રાશિ પરિવર્તનથી પત્રકાર, વકીલાત, બિઝનેસ અને શેરબજાર સાથે જોડાયેલા લોકો પ્રભાવિત થાય છે. આ ગ્રહ મિથુન અને કન્યા રાશિનો સ્વામી છે અને મોટા ભાગે દર 18મા દિવસે રાશિ બદલે છે.

જાણો રાશિભ્રમણથી કઈ રાશિના જાતકોને લાભ થશે અને કોને નડશે વિઘ્નો

  • મેષઃ અટવાયેલાં કાર્યો પૂર્ણ થશે. શુભ ફળ સાથે સફળતા મળશે, કાર્યક્ષેત્રમાં વિસ્તાર થશે. વિવાદોમાં પક્ષ મજબૂત થશે.​​​​​​​
  • વૃષભઃ વિચારેલા કાર્યો પૂર્ણ થશે. અટવાયેલા રૂપિયા મળી શકે છે. બુદ્ધિમાની સાથે ફાયદો પ્રાપ્ત થશે. સંકલ્પ મજબૂત રહેશે અને શુભ ફળ મળશે.​​​​​​​
  • મિથુનઃ નવી આશાનો સંચાર થશે. આત્મવિશ્વાસ વધશે, તક મળી શકશે અને પોતાનું શ્રેષ્ઠ પ્રદર્શન કરી શકશો.​​​​​​​
  • કર્કઃ સમય સારો રહેશે. રોકાણમાં ફાયદો થવાના યોગ છે. બિઝનેસ વધશે. શોધમાં સફળતા મળશે. સમજણ વિકસીત થવાની સાથે જ કાર્યક્ષેત્રમાં પ્રભાવ વધશે.​​​​​​​
  • સિંહઃ ભરપૂર પરિશ્રમ કરશો. સ્વાસ્થ્યનું ધ્યાન રાખવું પડશે. નકારાત્મકતા છોડવી પડશે અને વિવાદોથી બચવું પડશે.​​​​​​​
  • કન્યાઃ પાર્ટનરશિપ અને વેપારમાં લાભ મળશે. લગ્નજીવનમાં અંતર ઘટશે. શુભ ફળદાયી યાત્રા થશે.​​​​​​​
  • તુલાઃ ઉચ્ચ શિક્ષા અને કાર્યક્ષેત્રમાં આગળ વધવાની તક મળશે. પ્રેમ પ્રસંગ બનશે, રચનાત્મકતા રહેશે.​​​​​​​
  • વૃશ્ચિકઃ પરિવારનો સાથ મળશે. લાભની તક મળશે. વિચારેલાં કાર્યો પૂર્ણ થશે. માતાના સ્વાસ્થ્યનું ખાસ ધ્યાન રાખવું.​​​​​​​
  • ધનઃ ભરપૂર ઊર્જા રહેશે. પરાક્રમ વધશે, કાર્યસ્થળે વડીલો દ્વારા સન્માન મળશે.​​​​​​​
  • મકરઃ આર્થિક લાભ મળવાના યોગ બનશે. વેપાર અને કાર્યક્ષેત્રમાં સારું પ્રદર્શન કરશો. સંપત્તિમાં વિસ્તાર થશે.​​​​​​​
  • કુંભઃ સાહસ અને પરાક્રમમાં વધારો થશે. પરિવારમાં ઉન્નતિ થશે, રચનાત્મકતા અને કૌશલનો વિકાસ થશે.​​​​​​​
  • મીનઃ સુખ-સુવિધા પર ખર્ચ વધશે. સમજી-વિચારીને જ જોખમ લેવું જોઈએ.

બુધવારથી 18 માર્ચ સુધી હોળાષ્ટક, શુભ કાર્યો થશે નહીં
ફાગણ મહિનાનો આરંભ થઇ ગયો છે ત્યારે આગામી બુધવાર, 9 માર્ચથી હોળાષ્ટક શરૂ થઇ રહ્યો છે. 9થી 18 માર્ચ સુધી હોળાષ્ટક રહેશે, જેથી આ સમય દરમિયાન શુભ-માંગલિક કાર્યો કરી શકાશે નહીં. 17 માર્ચ ગુરૂવારે હોલિકા દહન કરવામાં આવશે તેમજ 18મીના ધુળેટીની ઉજવણી થશે. જ્યોતિષશાસ્ત્રીના જણાવ્યા અનુસાર આ માસમાં પાંચ ગુરૂવાર અને શુક્રવાર આવે છે, જેથી ગુરૂ અને શુક્ર ગ્રહનું વિશેષ પ્રભુત્વ રહેશે.​​​​​​​ લગ્નો શુક્ર ચોથા ભાવમાં રહેવાથી પ્રજાની સુખાકારીમાં વધારો થવાની સંભાવના છે, જ્યારે વૃષિક રાશિનો કેતુ બીજા ભાવમાં રહેવાથી બચતમાં ઘટાડો અને ખર્ચામાં વધારો થવાની ભીતિ વ્યક્ત કરવામાં આવી છે. શેરબજારમાં પણ ઉતાર-ચડાવ જોવા મળી શકે તેમ છે.

અન્ય સમાચારો પણ છે...