• Gujarati News
  • Local
  • Gujarat
  • Kutch
  • Kutch Will Have A Peak Of 300 To 350 Cases Daily In The Current Month, Then The Number Of Patients Will Decrease In 15 Days

ડરો નહીં, સાવચેત રહો:કચ્છમાં ચાલુ માસે દૈનિક 300 થી 350 કેસ સાથે પીક આવશે, ત્યારબાદ 15 દિવસમાં દર્દી ઘટશે

ભુજ5 મહિનો પહેલા
  • કૉપી લિંક
અત્યાર સુધી કોરોનાની અસર... પહેલી, બીજી અને ત્રીજી લહેરના ડેટા પર એક નજર - Divya Bhaskar
અત્યાર સુધી કોરોનાની અસર... પહેલી, બીજી અને ત્રીજી લહેરના ડેટા પર એક નજર
  • ઓમિક્રોન વેરિયન્ટવાળા આ વેવમાં ઘાતકતા નહીં હોય પણ સંક્રમણ ઝડપથી વકરવાની શક્યતાઓ
  • પહેલી અને બીજી લહેરના ટ્રેન્ડ્સથી સમજો ત્રીજી લહેરમાં શું થશે
  • ​​​​​રાહત : કચ્છની 98 ટકા જનતા વેક્સિનેટેડ હોવાથી હોસ્પિટલાઈઝેશન-મોતના રેશિયોનું પ્રમાણ રહેશે ઓછું

રાજ્યની સાથે કચ્છમાં પણ કોરોનાએ માથું ઊંચક્યું છે,બીજી લહેર મંદ પડ્યા બાદ રોજ જિલ્લામાં સિંગલ ડિજિટમાં કેસો આવતા હતા જોકે ઓમિક્રોન વેરીએન્ટના સ્વરૂપે ફરી કોરોનાએ ઉથલો માર્યો જેના કારણે જિલ્લામાં પણ કોવિડ પોઝીટીવ કેસોની સંખ્યામાં ભારે ઉછાળો આવતા તંત્ર દોડતું થઈ ગયું છે.જિલ્લામાં બીજી લહેર બાદના 6 મહિનામાં જેટલા કેસ આવ્યા તેનાથી બમણા જાન્યુઆરી માસમાં જ નોંધાઇ ગયા છે.કોરોનાની આ ત્રીજી લહેર બીજી લહેર કરતા ઘણી ઝડપી હશે જેના કારણે આ વેવમાં ઝડપથી પિક આવી જશે.

માર્ચ 2020માં કચ્છમાં કોરોનાનો પ્રથમ કેસ નોંધાયા બાદ આ જીલ્લો ઘણી વખત કોરોનામુક્ત બની ગયો પણ કોવિડના ચક્રવ્યૂહમાં સપડાઈ પણ જાય છે.જિલ્લામાં કોવિડની પ્રથમ લહેરમાં 4500 જેટલા લોકો સંક્રમિત બન્યા હતા,જ્યારે માર્ચથી બીજી લહેર શરૂ થઈ અને જુન સુધીમા તો વધુ 7 હજારથી વધુ લોકો સંક્રમિત બની ચુક્યા હતા.હાલમાં જ્યારે આ ઓમિક્રોન વેરીએન્ટની ત્રીજી લહેર ડિસેમ્બરના અંતથી શરૂ થઈ છે તેમાં જિલ્લામાં દરરોજ 150 થી 200 કેસ આવ્યા બાદ પિક આવશે અને 15 દિવસમાં જ કેસો ઘટવાની શરૂઆત સાથે કોવિડની લહેરનો અંત આવી જશે તેવું તજજ્ઞોએ જણાવ્યંુ હતું.

  • તજજ્ઞો અને આરોગ્ય નિષ્ણાતો દ્વારા હાલની સ્થિતએ વ્યક્ત કરાઈ સંભાવના
  • ઘાતક બીજી લહેરમાં મે મહિનામાં સર્વાધિક 244 કેસ એક દિવસમાં નોંધાયા હતા
  • જાન્યુઆરીના 10 જ દિવસમાં કોરોનાના પોઝિટિવ કેસ 4 દિવસે ડબલ થવા લાગ્યા

25 થી 30 ટકા લોકોમાં કોવિડનું સંક્રમણ ફેલાવવાની શકયતા નિષ્ણાંતોના જણાવ્યા પ્રમાણે કોરોના વાયરસ 70 ટકા લોકોમાં વાયરસનો ફેલાવો કરે છે. બીજી લહેરમાં રસી લેવા માટે લોકો આગળ આવ્યા ન હોવાથી ઘાતકતા જોવા મળી હતી, જોકે બાદમાં વેક્સિન લેવા માટે લોકો તંત્રની મહેનતથી આગળ આવ્યા જેના કારણે જિલ્લામાં 90 ટકાથી વધુ લોકોએ બન્ને ડોઝ મુકાવી લીધા છે જેથી રસી મુકાવેલા લોકોમાં સંક્રમણ થવાની શક્યતા ઓછી છે. માત્ર રસી મુકાવનારા 15 થી 20 ટકા અને જે લોકોએ વેક્સિન મુકાવી નથી તેવા મળી જિલ્લામાં 25 થી 30 ટકા લોકોને જ વાયરસનો સામાન્ય ચેપ લાગશે. જેમાં મોટા ભાગના લોકોને હોસ્પિટલમાં દાખલ થવાની જરૂર નહીં પડે જેથી લહેર ઘાતક સાબિત નહીં થાય.

અન્ય સમાચારો પણ છે...