અકસ્માત ટળ્યો:હાજાપર-હરૂડી સીમમાં આગથી ઘાસનો જથ્થો ખાખ

ભુજ તાલુકાના હરૂડી અને હાજાપર સીમમાં આગ લાગવાથી ઘાસનો મોટો જથ્થો બળીને ખાખ થઇ ગયો હતો, 90 ટકા સીમાડો બળી જવાથી 6 કિમીનો જથ્થો ખાખ થયો હતો. ગુરુવારે સાંજે ભરૂડીથી હાજાપર સીમના 6 કિમી વિસ્તારમાં 90 ટકા સીમાડો આગથી બળીને ખાખ થઇ ગયો હતો. આગ લાગવા પાછળ પવનચક્કીના થાંભલાના કારણે શોટસર્કિટ જવાબદાર હોવાનું મનાઇ રહ્યું છે.

તો બે દિવસ પૂર્વે પણ અાગ લાગી હતી જેથી મોટાભાગનો સીમાડો બળી ગયો હતો. આગને કાબુ મેળાવવા માટે ગામના 300 જેટલા આગેવાનો-યુવાનો, પદ્ધર પોલીસની ટીમ અને ફાયર વિભાગની ટીમે જહેમત ઉઠાવી હતી. ભુજ સુધરાઇની ફાયર બ્રિગેડની ટીમ અને બીકેટી કંપનીની એક ફાયર ટીમેન આગ પર કાબુ મેળવ્યો હતો. આગના બે બનાવમાં સીમાડો બળીને ખાખ થઇ જતા હરૂડી, હાજાપર અને વડવાના પશુધનને મુશ્કેલી ઉભી થશે તેવું જાણવા મળ્યું હતું. સાંજે ફાટી નીકળેલી ભયંકર આગને કારણે આસપાસના ગ્રામજનો એકત્ર થઇ તંત્રને આગ કાબુ મેળવવા માટે સહભાગી બન્યા હતા.