હાલાકી:જિલ્લા પંચાયતમાં ઠેકેદારના અારોગ્ય કર્મીને 2 માસથી પગાર ચૂકવાયો જ નથી !

કચ્છ જિલ્લા પંચાયતમાં મુખ્ય જિલ્લા અારોગ્ય અધિકારીની કચેરીમાં અેમ.પી.અેચ.ડબ્લ્યુ., અેફ.અેચ.ડબ્લ્યુ અને વોર્ડબોય પૂરાવા પાડવાનો ઠેકો મેસર્સ અેમ. જે. સોલંકી અેજન્સીને અપાયો છે. પરંતુ, ફરજ બજાવતા કર્મચારીઅોને ઠેકેદારે વેતન ચૂકવ્યું નથી, જેથી મુખ્ય જિલ્લા અારોગ્ય અધિકારી પાસે ફરિયાદ પહોંચી છે.

મુખ્ય જિલ્લા અારોગ્ય અધિકારીને અપાયેલા અાવેદનપત્રમાં જણાવાયું છે કે, કોરોનાના કપરાકાળમાં દિવસ રાત જોયા વિના કામગીરી કરી છે. ફરજ દરમિયાન પરિવારના સભ્યોને સંક્રમણની ચિંતા હતી. અામ છતાં ફરજ બજાવી છે. અામ છતાં અેજન્સી દ્વારા છેલ્લા 2 માસનું વેતન ચૂકવાયું નથી. કોલ કરીઅે તો કહેવા છે કે, અાજે થશે, કાલે થશે. છેવટે ફોન જ કાપી નાખવામાં અાવે છે. 6 માસથી નોકરી કરનારાના માત્ર 2 માસના પી.અેફ. જમા થયા છે. અેવી પરિસ્થિતિમાં ઘરનું ગુજરાન ચલાવવું મુશ્કેલ થઈ ગયું છે. અાઉટસોર્સિંગથી ભરતી થાય છે. પરંતુ, અેજન્સી દ્વારા કર્મચારીઅોનું શોષણ થાય છે. અેજન્સી વિરુદ્ધ ફરિયાદ કરીઅે તો નોકરીમાંથી કાઢી નાખવાની ધમકી અાપવામાં અાવે છે.