બેદરકારી:બોલો ભુજ પાલિકામાં માસ્ક ન પહેરનારાને દંડવા બેઠક મળી, સોશિયલ ડિસ્ટન્સ અને મોઢે માસ્ક નહીં !

ભુજમાં કોરોનાઅે પગદંડો જમાવ્યો છે, જેથી ભુજ નગરપાલિકા મારફતે સોશિયલ ડિસ્ટન્સ ન જાળવનારા અને માસ્ક પહેર્યા વિના ધંધો કરતા દુકાનદારો અને ખરીદારોને દંડવા માટે સમિતિ બનાવાઈ છે. જેની સોમવારે સમિતિ ખંડમાં બેઠક મળી હતી. પરંતુ, સોશિયલ ડિસ્ટન્સ જાળવવાની તકેદારી રખાઈ ન હતી અને જે કર્મચારીઅો મારફતે કામગીરી થવાની છે, અેમાંથી અેકેયે તો મોઢે માસ્ક પણ પહેર્યું ન હતું, જેથી અેમને કોણ દંડશે અે અેક પ્રશ્ન છે. બેઠકમાં કારોબારી ચેરમેન ભરત રાણા, મુખ્ય અધિકારી નીતિન બોડાત, શોપ ઈન્સ્પેકટર હિતેન્દ્ર જાડેજા, સેનિટેશન શાખાના વડા અને ઈજનેર મિલન ગંધા, મયુર ઉપરાંત હેન્સી ભાનુશાલી નજરે પડે છે.