વાતાવરણ:ભુજ 34.9 સાથે સૌથી ગરમ, નલિયા 9ના આંકે ઠંડીમાં અવ્વલ

કચ્છમાં છેલ્લા કેટલાક સમયથી નીચા અને ઉંચા તાપમાન વચ્ચે 20થી 25 ડિગ્રીના તફાવત સાથે બેવડી ઋતુ અનુભવાઇ રહી છે. ભુજ સતત બીજા દિવસે 34.9 ડિગ્રી સાથે રાજ્યમાં ગરમ શહેર બન્યું હતું તો નલિયામાં ફરી ઠંડી એક આંકમાં આવી જતાં 9 ડિગ્રીએ ફરી અવ્વલ ક્રમનું ઠંડું નગર બન્યું હતું. ભુજમાં મહત્તમ આંશિક ઉંચકાઇને 34.9 પર પહોંચ્યું હતું તો ન્યૂનતમ પણ આંશિક ઘટીને 17.2ના આંકે રહેતાં વિષમતા અનુભવાઇ હતી. બીજી બાજુ નલિયામાં પારો 3 ડિગ્રી જેટલો નીચે સરકીને 9 રહ્યો હતો જેના કારણે રાત્રે ફરી ઠંડીએ જોર પકડ્યું હતું.

વધુમા વધુ ઉષ્ણતામાન 33.8 રહેતાં 24 ડિગ્રી જેટલા તફાવત સાથે નગરજનો બેવડી મોસમથી અકળાયા હતા. કંડલા એરપોર્ટ ખાતે 32.9 અને 13 જ્યારે કંડલા પોર્ટ પર 31.1 અને 16 ડિગ્રી નોંધાયું હતું.છેલ્લા કેટલાક સમયથી દિવસે ગરમી અને રાત્રે ઠંડક પ્રસરતી હોવાથી શરદી, તાવ અને ઉધરસના દર્દીઓમાં વધારો થઇ રહ્યો હોવાનું તબીબી સૂત્રોમાંથી જાણવા મળ્યું હતું. કોરોના હજુ પણ નાબૂદ ન થયો હોવાથી આવા લક્ષણો હોય તો તેને હળવાશથી ન લઇને વહેલાસર નિદાન-સારવાર કરાવવી આવશ્યક છે તેમ તબીબોનું કહેવું છે.