નલિયા 7 ડિગ્રી સાથે સૌથી ઠંડું:પોષ પણ પુરો થવામાં છતાં ઠંડીની આણ !

પાછોતરા વરસાદની જેમ પાછોતરી ઠંડીનો અનુભવ કચ્છવાસીઅો કરી રહ્યા છે. પોષ મહિનો પુરો થવાના અાડે માત્ર ચાર દિવસ બાકી છે છતાં નલિયામાં લઘુતમ તાપમાન ભર શિયાળાની જેમ 7 ડીગ્રી જેટલું નીચું રહ્યું હતું. રાજ્યમાં ગાંધીનગર 8.5 અને કેશોદ 9.9 ડીગ્રીઅે રહેતાં અને ભુજ, કંડલા સહિતના 14 મથકોમાં પારો 14 ડીગ્રીની અંદર રહેતા રાતના ભાગે શીત લહેર વર્તાઇ હતી, બીજી બાજુ મોટા ભાગના શહેરમાં મહત્તમ તાપમાન 30 ડીગ્રી અાસપાસ રહેતાં લોકોઅે બેવડી ઋતુનો અનુભવ કર્યો હતો. જિલ્લામાં કંડલા અેરપોર્ટ ખાતે ઠંડીનો અાંક 12.2, પોર્ટમાં 12.7 અને ભુજમાં 13.2 ડીગ્રી નોંધાયો હતો.

નલિયામાં 12 કલાકમાં 24 ડીગ્રીની ચડઉતર
રવિવારે પણ ગુજરાતમાં સાૈથી ઠંડા રહેલા નલિયામાં પરોઢે તાપમાનનો પારો 7.0 ડીગ્રી જેટલો નીચો ઉતરી ગયો અને બપોર સુધીમાં સીધો 24 ડીગ્રી ઉપર ચડીને 31.2 ડીગ્રીઅે પહોંચી જતા લોકોઅે અસામાન્ય વિષમતાનો સામનો કરવો પડ્યો હતો.

રાજ્યના ટોપ 12 ઠંડા મથકો

​​​​​​​