પ્રમાણપત્રની વધુ આવક:પાલિકામાં દાવેદારોએ ‘નો ડ્યૂ’ પ્રમાણપત્ર મેળવવા વેરા ભર્યા, 160 સર્ટીફિકેટ અપાયા, 15 લાખથી વધુ આવક થઇ

સ્થાનિક સ્વરાજની ચૂંટણીમાં ઉમેદવારી નોંધાવવી હોય તો કોઈ સરકારી લેણા બાકી નથી અેનું પ્રમાણપત્ર લેવું પડે, જેથી ભુજ નગરપાલિકામાં ‘નો ડ્યૂ’ સર્ટીફિકેટ લેવા માટે ધસારો થયો છે, જેમાં છેલ્લા ત્રણ દિવસમાં 160 ઉપરાંત સર્ટીફિકેટ અપાયા છે અને ભુજ નગરપાલિકાની ટેક્સ બ્રાન્ચે 150 લાખ રૂપિયા ઉપરાંતની અાવક પણ કરી લીધી છે.

ભુજ નગરપાલિકામાં માત્ર ભુજ નગરપાલિકાની ચૂંટણીમાં ઉમેદવારી નોંધાવવા માંગતા ઉમેદવારે જ નહીં. પરંતુ, ભુજ તાલુકા પંચાયત, જિલ્લા પંચાયત કે અન્ય તાલુકામાં ઉમેદવારી નોંધાવવા માંગતા ઉમેદવાર જો ભુજ શહેરમાં મિલકત ધરાવતો હોય તો ભુજ નગરપાલિકાની ટેક્સ બ્રાન્ચમાંથી કોઈ કરવેરા બાકી નથી અેનું ‘નો ડ્યૂ’ પ્રમાણપત્ર લેવું પડે છે,

જેથી ભુજ નગરપાલિકામાં છેલ્લા ત્રણ દિવસથી સર્ટીફિકેટ લેવા માટે ધસારો થયો છે, જેમાં 160 વ્યક્તિને ‘નો ડ્યૂ’ સર્ટીફિકેટ અપાઈ ગયો છે અને સર્ટીફિકેટ અાપતા પહેલા ભુજ નગરપાલિકાને 15 લાખ રૂપિયા ઉપરાંતની અાવક પણ થઈ ગઈ છે.અત્રે ઉલ્લેખનીય છે કે, ચૂંટણી આવે છે ત્યારે લાંબા સમયથી બાકી વેરો લોકો ભરતા થયા છે.