ગૌરવ:પાવર લિફ્ટિંગમાં ભુજનો ખેલાડી રાજ્ય સ્તરે ઝળક્યો

તાજેતરમાં અમદાવાદ ખાતે યોજાયેલી રાજ્યકક્ષાની પાવર લિફ્ટિંગ ચેમ્પીયનશીપમાં ભુજના યુવાને દ્રિતીય સ્થાન પ્રાપ્ત કર્યું હતું. જેના પગલે તેને સિલ્વર મેડલ અેનાયત કરાયો હતો.પાવર લિફ્ટીંગમાં ત્રણ જુદા-જુદા ઇક્યુપ પહેરવેશ પહેરીને સ્પર્ધકો વજન ઉચકે તો 40 ટકા વજન તે પહેરવેશ જ ઉંચકી અાપે છે. પણ અા સ્પર્ધામાં ભુજના જય ઠક્કરે પહેરવેશ પહેર્યા વિના પોતાના શારિરીક બળથી 345 કીલો વજન ઉચક્યું હતું. જેના પગલે તેઅોને દ્રિતીય નંબર મેળવી સિલ્વર મેડલ પ્રાપ્ત કર્યો હતો. આ સિધ્ધી મેળવનારા જય ઠક્કરે જણાવ્યું હતું કે, પોતે ભવિષ્યમાં પણ ઇક્યુપ પહેરવેશ વિના જ રમશેે. તે અંગે ભુજના નેશનલ ખેલાડી સાગર પોમલે જયને કોચીંગ અાપ્યું હતું અને હવે રાષ્ટ્રીય કક્ષાઅે રમવા માટે તૈયારી કરાઇ રહી છે.