હિટવેવ:રાજ્યમાં સર્વાધિક 42.4 ડીગ્રી ગરમીમાં ભુજવાસીઓ શેકાયા; કંડલા એરપોર્ટ 41.2 સાથે ત્રીજા ક્રમનું ગરમ મથક

ફાગણ મહિનાની મધ્યમાં જ ગરમીના અાકરા દોરમાંથી પસાર થઇ રહેલા કચ્છમાં શુક્રવારે પણ પ્રખર તાપ પડતાં જનજીવન પર અસરો દેખાઇ હતી. જિલ્લા મથક ભુજ 42.2 ડીગ્રી સાથે વધુ અેકવાર ગુજરાતનું સાૈથી ગરમ શહેર બન્યું હતું. જ્યારે 41.2 ડીગ્રી સાથે કંડલા (અેરપોર્ટ) ત્રીજા ક્રમે રહેતા તેની નજીકના ગાંધીધામ, અંજાર વિસ્તારમાં પણ પ્રખર તાપ અનુભવાયો હતો.

હવામાન વિભાગના અહેવાલ પ્રમાણે કંડલા પોર્ટમાં મહત્તમ ઉષ્ણતામાન 38.1 અને નલિયામાં 38.7 ડીગ્રી નોંધાયું હતું. હીટવેવને કારણે કચ્છના શહેરી વિસ્તારો ઉપરાંત રણ કાંધીના ગામોમાં ભારે ઉકળાટ અને લૂ નો અનુભવ થયો હતો. અાવતા 2થી 3 દિવસ દરમિયાન કચ્છ અને ઉત્તર ગુજરાતના કેટલાક વિસ્તારોમાં ઉષ્ણતામાનનો અાંક 40થી 41 ડીગ્રી રહેવાની સંભાવના દર્શાવાઇ છે. ફાગણમાં અા સ્થિતિ છે તો ચૈત્ર અને વૈશાખમાં કેટલી ગરમી પડશે અે મુદ્દો લોકો માટે ચર્ચાનો વિષય બન્યો છે.

કચ્છમાં રાત્રે ગરમી ગાયબ: ભારે વિષમતા
કચ્છમાં દિવસે કાળઝાળ ઉનાળાનો અનુભવ થઇ રહ્યો છે પણ રાત પડતાં વાતાવરણમાં ટાઢક છવાય છે. શુક્રવારે નલિયામાં લઘુતમ તાપમાન 17.1, કંડલામાં 18.5 કંડલા પોર્ટમાં 20.0 અને ભુજમાં 22.6 ડીગ્રી રહ્યું હતું. નલિયા, કંડલા (અે) અને ભુજમાં દવસ અને રાતના તાપમાનમાં 20થી 23 ડીગ્રી જેટલી અસામાન્ય વધઘટ રહી હતી.