હેલ્પલાઇન:ઉત્તરાખંડમાં કચ્છીઓ ફસાયા હોય તો તંત્રને જાણ કરવા અપીલ

ઉત્તરાખંડમાં ગ્લેશીયર તુટવાના પગલે બનેલી ઘટનાને લઇ જિલ્લાનું વહીવટી તંત્ર પણ સતર્ક બન્યું છે અને ત્યાં કોઇ કચ્છી ફસાયા હોય તો તાત્કાલિક તંત્રને જાણ કરવા અપીલ કરાઇ છે. કોરોનાના પગલે લોકોએ બહાર જવાનું ટાળ્યું હતું. હાલે મહામારીના કેસોમાં ઘટાડો થયો છે અને તંત્ર દ્વારા પણ છૂટાછાટ મળતાં લોકો અન્ય જિલ્લા, રાજ્યમાં ફરવા જાય છે.

ઉત્તરાખંડમાં બરફની ભેખડો ધસી પડતાં જાનમાલને નુકસાની થઇ છે તેવામાં કચ્છમાંથી કોઇ ફરવા ગયા હોય અને ગ્લેશીયર તુટવાના કારણે ફસાયા હોય તો તેની જાણ ડિઝાસ્ટર મેનેજમેન્ટ કન્ટ્રોલ રૂમ નં.02832 252347-1077 પર જાણ કરવા જણાવાયું છે.