અકસ્માત:ભચાઉ તાલુકાના સામાખીયાળી ગામ નજીક ગેલન્ટ કંપની બહાર જીપ પલ્ટી મારતા અંદર બેઠેલા તમામ મજૂરો ઇજાગ્રસ્ત

ભચાઉ તાલુકાના સામાખીયાળી સ્થિતિ લોખન્ડના સરિયા બનાવતી ગેલન્ટ કંપનીના અંદાજિત 12થી 13 મંજૂરો પોતાની નોકરીનું કાર્ય પૂરું કરી પોતાના ઘરે જઈ રહ્યા હતા, ત્યારે જીપ પલ્ટી મારી જતાં અંદર બેઠેલા તમામ મજૂરોને ઇજાઓ પહોંચી હતી. જોકે, સદનશીબે કોઇ જાનહાની થઇ નહોતી.

આજે સવારે સામાખીયાળી સ્થિતિ લોખન્ડના સરિયા બનાવતી ગેલન્ટ કંપનીના મજૂરો પોતાનું કામ પતાવી જીપમાં ઘરે જઇ રહ્યા હતા ત્યારે કંપની બહારના માર્ગ પર તુફાન જીપના ડ્રાયવરે સ્ટિયરિંગ પરનો કાબૂ ગુમાવતા જીપકાર પલ્ટી મારી ગઈ હતી જેમાં સવાર મજૂરોને ઓછીવતી ઇજા પહોંચી હતી.

ગેલન્ટ કમ્પનીના સુશીલભાઈએ જણાવ્યું હતું કે, આ અકસ્માતમાં કુલ 8 લોકો સવાર હતા જેમને સામાન્ય ઇજા પહોંચી હતી તેથી અન્ય વાહન મારફત તેમના ઘરે રવાના કરાય હતા જ્યારે સુત્રોનું માનીએ તો આ અકસ્માતમાં કુલ 12થી 13 મજૂરો સામેલ હતા જેમાં અમુકને ખાનગી દવાખાને સારવાર કરાવી રજા અપાઈ હતી, સદભાગ્યે કોઈ જાનહાની થવાં પામી નહોતી.