કાર્યવાહી:હરીપરના પ્રોવિઝન સ્ટોરમાં માલ સાથે વેચાતો હતો દારૂ

ભુજના હરીપર ગામે ગુરૂવારે મોડી સાથે પ્રોવીઝન સ્ટોરમાંથી પોલીસે બાતમીના આધારે વેપારીને વિદેશી શરાબની 15 બોટલ સાથે ઝડપી લીધો હતો જ્યારે માલ આપનારા ભુજ કુખ્યાત સહિત ત્રણ આરોપીઓ હાથ લાગ્યા ન હતી. પોલીસે ચારેય આરોપીઓ વિરૂધ ગુનો નોંધી તપાસ ચલાવી છે. પ્રાપ્ત વિગતો મુજબ પોલીસે હરીપર ગામે દરોડો પાડીને નારાણ પ્રોવિઝન સ્ટોરમાંથી ભુજના ઉમેદનગર કોલોનીમાં રહેતા વિપુલકુમાર લક્ષ્મણસિંહ ભાટી (ઉ.વ.43)ને રૂપિયા 7,325ની કિંમતની 15 નંગ શરાબની બોટલો તેમજ એક મોબાઇલ અને બાઇક સાથે ઝડપી લીધો હતો.

આરોપીની પુછતાછમાં તેને આ માલ ભુજના ગણેશનગરમાં રહેતા નામીચા નવઘણ શંભુપ્રસાદ રાજગોર અને ભુજના આર્મી કેમ્પમાં રહેતા પૃથ્વીરાજ તેમજ રાજેન્દ્ર નામના બે શખ્સો પાસેથી લીધો હોવાનું પોલીસને જણાવતાં બી ડિવિઝન પોલીસે ચારેય વિરૂધ પ્રોહીબીશન એકટ તળે ગુનો નોંધી આગળની કાર્યવાહી હાથ ધરી છે.