રજૂઆત:ભીમાસર- અંજાર- ભુજ રાષ્ટ્રીય માર્ગની ગતિવિધી તેજ

ભીમાસર - અંજાર - ભુજ રસ્તાને ગત વર્ષે કેન્દ્ર સરકાર દ્વારા રાષ્ટ્રીય ધોરીમાર્ગ નં 341 જાહેર કરીને રાષ્ટ્રીય ધોરીમાર્ગ વિભાગમાં સોંપાયો છે. જે અંતર્ગત નિયમ અને શરતો મુજબ વિસ્તૃતિકરણ તાત્કાલિક શરૂ થશે. ટુ લેનમાંથી ફોરલેન માર્ગ કરવાની કામગીરી કરવી પડે, જે માટે જમીન સંપાદન અને માળખાકીય કાર્ય પ્રગતિમાં છે તેવું જણાવતો પત્ર માર્ગ પરિવહન અને રાજમાર્ગ મંત્રાલયે દ્વારા રાજ્યમંત્રી અને અંજાર વિસ્તારના ધારાસભ્ય વાસણભાઇ આહિરને આવ્યો હતો.

કેન્દ્રીય મંત્રી નીતિન ગડકરીના મંત્રાલય દ્વારા આવેલ પત્ર મુજબ ગત વર્ષે ઓકટોબર મહિનામાં વાસણભાઇએ આ રસ્તાનું તાત્કાલિક વિસ્તરણ કરવા રજૂઆત કરી હતી.