અકસ્માત:સુખપરમાં મકાનની છત પરથી પટકાતાં યુવાનનું મોત

ભુજ તાલુકાના સુખપર ગામે પોતાના નવા બનતા મકાનની છત પરથી અકસ્માતે નીચે પટકાતાં યુવાનને માથાના ભાગે ગંભીર ઇજા થતા તેનું સારવાર નસીબ થાય તે પૂર્વે મોત નિપજ્યું હતું. યુવકના મોતથી પરિવારજનોમાં ગમગની છવાઇ જવા પામી હતી. આ બનાવ મંગળવારે બન્યો હતો. નવાવાસમાં રહેતા કરશન જાદવા હિરાણી (ઉ.વ.48) ચણતર કામને જોવા માટે મકાનની છત પર ચડ્યા હતા ત્યારે નીચે પટકાઇ ગયા હતા જેને કારણે તેમને ઇજા થતાં ભુજની લેવા પટેલ હોસ્પિટલમાં ખસેડવામાં આવ્યા હતા જ્યાંથી જી.કે.જનરલ હોસ્પિટલમાં લઇ અવાતાં હાજર પરના તબીબે તેમને મૃત જાહેર કર્યા હતાં.