ધરપકડ:ભુજમાં ફટાકડા વેચતો છુટકીયો વેપારી પોલીસની ઝપટે ચડ્યો

ભુજ અને તાલુકાના ગામમોમાં લાયસન્સ વિના ફટાકડા વેચતા લોકો સામે પોલીસે હાથ ધરેલી કાર્યવાહીને પગલે ભુજ શહેરના છઠ્ઠી વિસ્તારમાં છુટક ફટાકડા વેચતા શખ્સ સામે પોલીસે ગુનો નોંધીને તેની પાસેથી રૂપિયા 1,530ની કિંમતના ફટાકડા કબજે કર્યા હતા.પરવાના વગર ઠેર ઠેર ફટાકડા વેચાઇ રહયા છે ત્યારે ભુજ એ ડિવિઝન પોલીસને ભુજના ઇન્દ્રાબાઇ સ્કુલ સામે છુટક ફટાકડા વેચતો એક નાનો ધંધાર્થી હાથ લાગ્યો હતો. પોલીસે ગણેશનગરમાં રહેતા અને જાહેર રોડ પર ફટાકડા વેચતા સુરેશ વિરાભાઇ પટ્ટણીને પકડી તેના વિરુધ ફરિયાદ નોંધી હતી.