સુવિધા:ટેન્ટસિટી ખાતે ફૂડ સ્ટોલ ઉભા કરાશે

ચાલુ વર્ષે કોરોનાને લઇને રણોત્સવની રંગત જામી નથી પણ લોકોને રોજગારી મળી રહે તે હેતુથી ધોરડો ટેન્ટ સિટી પાસે ખાણી-પીણી માટે ફૂડ સ્ટોલ બજાર ઊભી કરવાની તંત્ર દ્વારા વિચારણા કરાઇ રહી છે. ફૂડ સ્ટોલની ફાળવણી જિલ્લા ગ્રામ વિકાસ એજન્સી દ્વરા કરવામાં આવશે. ખાપી-પીણી બજારમાં રસ ધરવતા સખીમંડળ, સ્વ સહાયજૂથના સભ્યો, કારીગરોએ ભુજ સ્થિત જિલ્લા ગ્રામ વિકાસ એજન્સીની મિશન મંગલમ શાખામાં તા. 9 અને 10/12 સુધીમાં અરજી ફોર્મ મેળવી પાસપોર્ટ સાઇઝના ૨ ફોટા, રાશન કાર્ડ તથા આધારકાર્ડની નકલ સહિત જમા કરવાની રહેશે.

ફૂડ સ્ટોલ માટે દૈનિક ભાડું 200 રૂપિયા રહેશે જે ડાયરેક્ટર, ડીઆરડીએ ભુજ (રણોત્સવ)ના નામના એક્સિસ બેંક ભુજના ખાતા નંબર 919020079354443માં જમા કરવાનું રહેશે. સ્ટોલ ફાળવણી ડ્રો કરીને કરવામાં આવશે.આ અંગે વધુ માહિતી માટે મુન્દ્રા રોડ પર આવેલી કચેરીના રૂમ નં. ૨૨૮ પર રૂબરૂ સંપર્ક કરી શકાશે તેવું જિલ્લા ગ્રામ વિકાસ એજન્સીના નિયામક દ્વારા જણાવાયું છે.