કોરોના બેકાબૂ:આજે કચ્છમાં કોરોનાની રસીની 70 હજાર સિરિંજ આવશે

કચ્છમાં જાન્યુઆરી માસથી કોરોનાની રસી આપવાનું શરૂ થવાનું છે, જેથી આજે 70 સિરિંજ આવવાની છે. એ ઉપરાંત રસીને અનુકૂળ વાતાવરણમાં રાખવા માટે રાજકોટથી ગોદરેજ કંપનીના 2 નાના અને 4 મોટા રવાના પણ થઈ ગયા છે. એક બાજુ ભુજ તાલુકામાં કોરોનાના કેસ ચિંતાજનક રીતે વધી જ રહ્યા છે બીજી બાજુ કચ્છ જિલ્લામાં કોરોનાની રસી આપવાનો સરવે અંતિમ તબક્કે પહોંચી ગયો છે. એટલું જ નહીં પણ 70 હજાર કોવિડ વેક્સિન માટે 0.55 સી.સી. સિરીજ પણ આજે મંગળવારે આવી જવાની છે. જેના સંગ્રહ માટે રાજકોટથી સોમવારે ગોજરેજ આઈ.એલ.આર. મોટા 2 નંગઅને નાના 4 નંગ પણ રવાના થઈ ગયા છે. મુખ્ય જિલ્લા આરોગ્ય અધિકારી ડો. પ્રેમકુમાર કન્નરને પૂછતા તેમણે કહ્યું હતું કે, આરોગ્ય વિભાગમાં પૂરજોશમાં તૈયારીઓ ચાલી રહી છે.