તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

નિર્ણય:શેરી ફેરિયાઓને હવે પ્રધાન મંત્રી સ્વનિધિમાં 20 હજારની લોન

ભુજ8 દિવસ પહેલા
  • કૉપી લિંક
  • ભુજ શહેરમાં અગાઉ નોંધાયેલા 1174માંથી 775 મળ્યો હતો લાભ
  • ડિજિટલ ટ્રાન્જેકશન કરનારાને 1200 રૂપિયા પ્રોત્સાહન રૂપ અપાશે

ભુજમાં નગરપાલિકા સ્થિત અેન.યુ.અેલ.અેમ. મારફતે હવે શેરી ફેરિયાઅોને પી.અેમ. સ્વનિધિ અંતર્ગત વ્યાજમાં 7 ટકા સબસિડી સહાયથી 20 હજાર રૂપિયાની લોન અાપવાનું શરૂ કરાયું છે. ગત 2020ના વર્ષમાં કોરોનાની પ્રથમ લહેરમાં સંક્રમણ અટકાવવા લોકડાઉનનો નિર્ણય લેવો હતો અને અે ખૂબ લંબાયો હતો, જેથી રોજેરોજ કમાઈને ખાતા શેરી ફેરિયાની હાલત કફોડી થઈ ગઈ હતી.

પરંતુ, પ્રધાનમંત્રીઅે અાત્મનિર્ભર ભારત યોજના હેઠળ શેરી ફેરિયાઅોને બેંક મારફતે વ્યાજમાં 7 ટકા સબસિડી સહાયથી 10 હજાર રૂપિયા લોન અાપવાનું શરૂ કર્યું હતું, જેમાં ભુજ શહેરમાં નોંધાયેલા 1174 કાર્ડધારકોમાંથી 775ને લોનનો લાભ મળ્યો હતો. હવે જૂન મહિનાથી 20 હજાર રૂપિયાની લોન અાપવાનું શરૂ કરાયું છે.

અેવું અેન.યુ.અેલ.અેમ.ના મેનેજર કિશોર શેખાઅે માહિતી અાપતા જણાવ્યું હતું. તેમણે વધુમાં ઉમેર્યું હતું કે, પ્રથમ રાઉન્ડમાં જ બાકી રહી ગયા હતા. અેમને 10 હજાર રૂપિયાની લોન મળી શકશે. ડિજીટલ ટ્રાંજેકશન કરનારાને 1200 રૂપિયા પ્રોત્સાહન રૂપે મળી શકશે. વધુ માહિતી માટે ભુજ નગરપાલિકાન રૂમ નંબર 18 અથવા મોબાઈલ નંબર 9925170507 ઉપર સંપર્ક સાધવાનો રહેશે.

લોન મેળવવા જરૂરી ડોક્યુમેન્ટ
ફેરિયા કાર્ડ અથવા સર્ટિફિકેટ અોફ વેડિંગ અથવા અેલ.અો.અાર., અાધારકાર્ડ, ચૂંટણી કાર્ડ, બેન્ક પાસબૂક, પાસપોર્ટ સાઈઝ ફોટો-1, જો અગાઉ લોન લીધી હોય અને હવે 20 હજારની લોન લેવી હોય તો બેંકની નો ડ્યૂ સર્ટિફિકેટ સહિતના ડોક્યુમેન્ટ જરૂરી ગણાવાયા છે.

અન્ય સમાચારો પણ છે...