મેડિકલ વેસ્ટ:કચ્છમાં મતદાન મથકોઅે મતદારો માટે 14 લાખ યૂઝ એન્ડ થ્રો હેન્ડ ગ્લોઝ

કચ્છમાં નગરપાલિકા, તાલુકા પંચાયત અને જિલ્લા પંચાયતની ચૂંટણી સમયે મતદારો માટે 14 લાખ ઉપરાંત યૂઝ અેન્ડ થ્રો હેન્ડ ગ્લોઝ સહિતના વિવિધ સાધનોનો ઉપયોગ થશે. જે રિઝર્વ સ્ટોક માટે મુખ્ય જિલ્લા અારોગ્ય અધિકારીની કચેરીઅેથી અોર્ડર પણ અપાઈ ગયા છે.

મુખ્ય જિલ્લા અારોગ્ય અધિકારી ડો. જે. અો. માઢકે જણાવ્યું હતું કે, 28મી ફેબ્રુઅારીઅે જિલ્લા પંચાયત ઉપરાંત 10 તાલુકા પંચાયતો અને 5 નગરપાલિકાની ચૂંટણી થવાની છે, જેથી 1895 મતદાન મથકોઅે 15.15 લાખ મતદારો માટે તકેદારીના પગલા રૂપે અાગલા દિવસે જ તમામ બૂથોને સેનેટાઈઝ કરવામાં અાવશે. મતદાન કેન્દ્ર બહાર પેરા મેડિકલ સ્ટાફ કે અન્ય કર્મચારીઅો દ્વારા મતદારનું ટેમ્પરેચર ગનથી તાપમાન ચેક કરાશે.

જો નિયત કરતા વધારે તાપમાન હશે તો તે વ્યક્તિને અલગ બેસાડવામાં અાવશે. તાપમાન નોર્મલ થયા બાદ તેને મતદાન કરવા દેવામાં અાવશે. જે સમયે મતદારના હાથ સેનેટાઈઝ કરાશે. ઈ.વી.અેમ. બટન દબાવવા માટે અેક હાથમાં હેન્ડ ગ્લોઝ અપાશે. જે માટે 15 લાખ યૂઝ અેન્ડ થ્રો હેન્ડ ગ્લોઝ, 12751 સેનેટાઈઝર વેસ્ટ બેગ ઉપરાંત 2059 બાયો મેડિકલ વેસ્ટ બેગ રિઝર્વ સ્ટોકમાં રખાશે.