ભુજ:રવાપરમાં ગ્રામ પંચાયત દ્વારા દવાનો છંટકાવ તેમજ 1000 માસ્ક વિતરીત કરાયા

રવાપર ખાતે માતાનામઢ લિગ્નાઇટ પ્રોજેક્ટના સહકારથી ગામના તમામ મુખ્ય માર્ગોને સેનેટાઇઝ કરવામાં આવ્યા હતા. પ્રોજેક્ટ મેનેજર આર.કે.દાસ દ્વારા આપવામાં આવેલી કોવિડ-19 કિટના ઉપયોગથી સરપંચ પુષ્પાબેન રૂપારેલ, તા. પં. વિપક્ષી નેતા અશ્વિન રૂપારેલ દ્વારા ટેમ્પરેચર મશીનથી લોકોને ચેક કરી સેનેટાઈઝર અને માસ્કનું વિતરણ કરવામાં આવ્યું હતું. આ કિટમાં 25 લિટર હેન્ડ સેનેટાઈઝર, 1000 માસ્ક, 2 સેનેટાઈઝર પંપ અને એક ટેમ્પરેચર મશીન ગ્રામ પંચાયતને અર્પણ કરવામાં આવી હતી. આ પ્રસંગે ગામના ઉપસરપંચ મહેશભાઈ વાસાણી, તલાટી યોગેન્દ્રસિંહ જાડેજા, વેલુભા ગોહિલ, અબ્દ્વેમાન કુંભાર સહિતના ગ્રામ પંચાયત સભ્યોએ હાજરી આપી હતી. જીએમડીસી દ્વારા આવી કીટ નવાવાસ, માતાનામઢ, કોટડા(મઢ), ભાડરા જેવા ગામોમાં આપવામાં આવી હતી.