દુખદ:બેરુમાં વીજ તારના લીધે વધુ એક ઢેલે જીવ ગુમાવ્યો, એક અઠવાડિયામાં નખત્રાણામાં બીજુ મોત

કચ્છમાં વીજ કેબલના લીધે રાષ્ટ્રીય પક્ષી મોરના ટપોટપ મોત થઇ રહ્યાં છે. તેવમાં વધુ એક ઢેલનું મોત થયું છે. નખત્રાણા તાલુકાના બેરું ગામ પાસે આવેલ રામદેવરા ફાર્મ સામે વહેલી સવારના પીજીવીસીએલના વીજ તાર સાથે અથડાતા ઢેલનું મોત થયું હતું.

આ બાબતે બેરું ગામના મંગલભાઈ રબારી દ્વારા વન તંત્રને જાણ કરી હતી. આરએફઓ મોરી સહિતની વનખાતાની ટીમે ઘટના સ્થળ પર પહોંચી હતી. વનખાતાએ મૃત ઢેલનો કબજો લઈ પોસ્ટ મોર્ટમ માટે મોકલી અાપ્યું હતું. આ બાબતે વીજ તંત્રને તાર પર રિફલેક્ટર લગાડવા વનખાતા દ્વારા જાણ કરાઈ હતી. નોંધનીય છે કે અેક અઠવાડિયામાં નખત્રાણામાં રાષ્ટ્રીય પક્ષીનું અા બીજુ મોત છે.