તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ઓમાનમાં પોરબંદરના જહાજની જળસમાધિ:‘અમૃત’ જહાજ ડૂબતાં ક્રૂ-મેમ્બરો દરિયામાં કુદી પડ્યા; માંડવી-સલાયાના 7 સહિત 9 ક્રૂ-મેમ્બરોનો બચાવ

માંડવી9 દિવસ પહેલા
  • કૉપી લિંક

દુબઇથી અેક હજાર ટન જનરલ કાર્ગો લોડિંગ કરીને યમન માલ પરિવહન કરવા જતી વેળાઅે પોરબંદરના અમૃત જહાજે અોમાનના દરિયામાં રાત્રે 11 વાગ્યાના અરસામાં વાતાવરણમાં અાવેલા અોચિંતા પલટાથી ઉછળેલા મોજાના કારણે જળ સમાધી લીધી હતી, જો કે, તેમાં રહેલા માંડવી, સલાયાના 7 મળી કુલ 9 ક્રુ-મેમ્બરોનો અાબાદ બચાવ થયો હતો.

પોરબંદરની યુરો અેરિયન શિપિંગ કંપનીનું પી.બી.અાર.1674 અમૃત જહાજ દુબઇથી 30 મેના રોજ યમનના અશગીર બંદરે જવા પ્રસ્થાન કર્યું હતું. 2 જુનના અોમાનના રાસ લહાદ અને મશીરા વચ્ચે જહાજ પહોંચ્યું ત્યારે વાતાવરણમાં અચાનક પલટો અાવ્યો હતો અને દરિયાના તાકતવર મોજાઅે જહાજને ઝપેટમાં લેતાં જળ સમાધી લીધી હતી. સમુદ્રમાં ડુબતા જહાજમાં સવાર માંડવી, સલાયાના 7 અને અન્ય 2 મળી 9 ક્રુ-મેમ્બરોઅે જાન જોખમમાં લાગતાં તમામ દરિયામાં કુદી પડ્યા હતા.

અા દરમ્યાન દુબઇ અારબનું જહાજ ફતેહ અલબારી મદદે અાવ્યું હતું. માંડવીના બે યુવાનો અને તેમના પિતા પણ તેમાં હતા અેમ કચ્છી વહાણવટા અેસોસિયેશનના પ્રમુખ હાજી અાદમ થૈમ, સી.અો.અેસ. અાદમ ધોબીઅે જણાવ્યું હતું.

સમુદ્રી અાફતમાં બચેલા ક્રુ-મેમ્બરો
સમુદ્રી અાફતમાં બચેલા ક્રુ-મેમ્બરો

માંડવી, સલાયાના અામદ જુસબ જાફરાની, હશન અામદ જાફરાની, યુનસ અામદ જાફરાની, અનિષ અોસમાણ ગની સોઢા, ફહદ અનવર શીરૂ, અનવર અામદ સોઢા, મહંમદ સિધિક રમજુ કોરેજા, કાસમ બાવલા લાકડા (જોડિયા, જામનગર), વાલજી મંગાભાઇ બારૈયા (મહુવા)નો અાબાદ બચાવ થયો હતો.

અન્ય સમાચારો પણ છે...