કામગીરી:કાઠડા પંચાયતે કચ્છમાં પ્રથમવાર 11 તળાવની માપણી સીટ તૈયાર કરી

માંડવી તાલુકાના કાઠડા ગામે સંભવત: કચ્છમાં પ્રથમ વખત તળાવોની માપણીસીટ તૈયાર કરાવી, દફતરમાં મૂકી અનોખી કેડી કંડારી છે.પંચાયત દ્વારા અેકસાથે ગામના 11 તળાવોનો સરવે કરાવી ગ્રામપંચાયતના દફતરમાં માપણીસીટ મૂકી છે. ગામના 11 તળાવના ક્ષેત્રફળનો અાધુનિક ટેકનિકથી ત્રણ દિવસ સુધી સરવે હાથ ધરવામાં અાવ્યો હતો.

માપણી કરી જે-તે તળાવનું ક્ષેત્રફળ નિયત કરાતાં અાગામી સમયમાં તળાવ, તેના અોગન કે, પાણીના વહેણ પર કોઇપણ વ્યક્તિ દ્વારા દબાણ કરાશે તો તેની વિગત અા માપણીસીટના અાધારે મળી રહેશે અને અાવી પ્રવૃત્તિઅો પર રોક લાવવાના અેકમાત્ર અાશયથી અા કામગીરી હાથ ધરાઇ હોવાનું ગામના સરપંચ ભારૂભાઇ ગઢવીઅે જણાવ્યું હતું.