માંગણી:પવનચક્કીમાં યુવક દાઝ્યો, મિત્રએ સોનુ સુદ પાસે મદદ માંગી

હળવદ નજીક થયેલ અકસ્માતમાં શ્યામ નામના યુવક માટે પરિવાર અમદાવાદ દવા લેવા ગયો હતો,પરત ફરતી વેળાએ એક જ પરિવારના ત્રણ સભ્યોએ જીવ ખોયો હતો.જો કે આ અગાઉ શ્યામના મિત્રએ સોનુ સૂદ પાસે મદદ પણ માંગી હતી.શ્યામના મિત્રએ 3 ડિસેમ્બરે સોશ્યલ મીડિયા પર લખ્યું હતું કે,આ યુવક ૫૦ ટકાથી વધુ દાજી ગયો છે.તે ગરીબ પરિવારમાંથી છે આપ તેની મદદ કરો.ગુરુવારે આ પોસ્ટ કરાઈ હતી જેમાં સોનુ સૂદનો કોઈ જ રીપ્લાય આવ્યો ન હતો.બાદમાં પરિવાર શ્યામને મેડિકલ સારવાર માટે અમદાવાદ લઈ ગયો હતો,જ્યાંથી પરત ફરતી વેળાએ અકસ્માતમાં એક જ પરિવારના ત્રણ લોકોના જીવ ગયા હતા.

પવનચક્કી વન્યજીવ સાથે માનવજીવન માટે પણ ઘાતક
પવનચક્કીના કારણે સતત જિલ્લામાં અનેક વન્યજીવોના મોત થઈ રહ્યા છે,ત્યારે આ ગોઝારા અકસ્માતનું મૂળ પવનચક્કી જ છે. જેમાં વીજશોકથી શ્યામ દાજયો હતો, તેથી તેને અમદાવાદ પરિવાર સાથે જાવું પડ્યું અને પરિવાર અકસ્માતનો ભોગ બન્યો હતો.