સફાઇ અભિયાન:કુકમા પંચાયત હવે અમાસના બદલે, મહિનાના છેલ્લા રવિવારે સફાઈ કરશે

રવિવારે કુકમા પંચાયત દ્વારા સફાઇ અભિયાન હાથ ધરવામાં આવ્યું હતું અને ગામના તળાવની સફાઈ કરવામાં આવી હતી. ગ્રામપંચાયત દ્વારા છેલ્લા કેટલાક સમયથી દર અમાસના દિવસે આ સફાઈ અભિયાન કરવામાં આવતું હતું,પણ યુવાનો અને મહિલાઓના અભિપ્રાય બાદ હવેથી મહિનાના છેલ્લા રવિવારના આ સફાઈ અભિયાન યોજવામાં આવશે.જે અંતર્ગત રવિવારથી જ તેની શરૂઆત કરી અમલીકરણ કરાયું હતું.

સરપંચ કંકુબેન વણકરે જણાવ્યું કે,આ સફાઈ અભિયાનથી ગામ લોકોમાં બદલાવ આવતો જોવા મળે છે.અભિયાનમાં પંચાયતના સભ્ય અર્ચનાબેન, બિનિતાબેન, દેવજીભઈ, અરવિંદભાઈ, દર્પણભાઇ, કલ્પેશભાઈ,આહીર સમાજના મહિલા પ્રમુખ કંકુબેન પંચાયતના કર્મચારીઓ સહિત ગામના ૫૦ જેટલા યુવાનો ભાઈઓ એને બહેનો જોડાયા હતા.