કામગીરી:ભુજ ભચાઉ ધોરીમાર્ગ પર અંતે કોન્ટ્રાકર દ્વારા આળસ ખંખેરી સફાઈ આદરાઈ

ભુજ-ભચાઉ ધોરીમાર્ગ પર રસ્તાની બંને તરફ ધાણેટીથી ભુજ તરફ આવતા રસ્તે હાલ કેટલીય જગ્યાએ રેટિના ઢગલા સર્જાઈ ગયા હતા,જેથી અવારનવાર રસ્તા પર બાઈક સ્લીપ થવાના બનાવો બનતા રહે છે.જેથી અંતે તંત્ર દ્વારા અહીં સફાઈ આદરી દેવામાં આવી હતી.

ભુજ-ભચાઉ ધોરીમાર્ગનું કામ ૨૦૧૨ થી શરુ કરી દેવાયું છે,પણ હજુ ભુજૉડી ઓવરબ્રિજનું કામ ગોકળગતિએ જ થઇ રહ્યું છે.અધૂરામાં પૂરું સર્વિસ રોડ અને મુખ્ય માર્ગની હાલત પણ બિસમાર બની રહી છે. જો કે આ બધા વચ્ચે કોન્ટ્રાકટર કંપની વાલેચા દ્વારા રસ્તાની બંને તરફ સફાઈ ભુજૉડી-માધાપર નજીકથી શરુ કરી દેવાઈ છે.આ વિસ્તારમાં દ્વિચક્રી વાહનોના અવારનવાર અકસ્માતો સર્જાતા હોય છે.જો કે ભુજૉડી ઓવરબ્રિજનું કામ પણ ગતિ પકડે તેવું સૌ ઈચ્છી રહ્યા છે.